Asteburua aurrera doa apurka-apurka, eta aurtengo inauteriak amaierara heltzen hasiak dira. Atzoko festaren ostean, gaur eguerdian izan du jarraipena jai giroak Zumaian: Beti Jai Fanfarreak giro aparta jarri du herriko txokoetan.
Atzoko eguraldi kaskarraren arrastorik ez da sumatu gaur, eta txarangak normaltasun osoz egin ahal izan du bidea. 12:00 aldera hasi dute kalejira Aitzuritik, eta herrigunerako bidea hartu dute ondoren, Alai auzunea eta Kantauri plaza igarota.