Photomuseumek sustatutako eta Zarauzko Udalak babestutako kultur hedapenerako Gela programaren barruan, saio berria izango da gaur museoan. Hain zuzen, zineman komedia kritika egiteko tresna modura erabiltzeaz hitz egingo dute, 18:00etan hasita, doako sarrerarekin.
XXI. mendearen hasieran, zientzia-fikziozko eta komediazko hainbat filmetan etorkizuna irudikatu zuten, orainaren ispilu deformatu bat bezala. Gehiegikeriaren eta umorearen bitartez, lan horiek pentsamendu kritikoaren galerari, politikaren hutsalkeriari eta pobretze kulturalari buruz ohartarazten zuten, besteak beste. Proiektu horien artean aipagarriak dira, esterako, Brazil, The Truman Show edo Office Space.