Iñi Etxezarretarekin eta Elene Lopetegirekin solasaldia egingo dute datorren Lerroarte literatura txokoaren saioan. Azaroaren 20an, ostegunez, jarri dute hitzordua Arranoko bunkerrean, 18:30ean. Bi idazleek Txalapartarekin kaleratu duten Garen piztiaz beste. Hitz egin liteke transfeminismoaz? liburua izango dute oinarri bertan.
Honela dio liburuaren sinopsiak: "Gizon eta emakumerik gabeko herri bateranzko bidea egin nahi dugu: menpeko harremanik gabea, bere zentzu zabal eta konkretuenean; harreman horiek nola eraikitzen diren aztertu, eta nola desegin proposatu; desegite horretarako alternatiba posibleak irudikatu, eta praktikan jarri; ardurak sailkatu, guri dagozkigunak hartu, eta gainerakoak dagozkionari hartzeko exijitu".