Azaroaren 30ean, igandez, jokatuko dute aurten Zarauzko kirol ekitaldi entzutetsuenetako bat: 46. Bikote Mistoen Krosa. Pasa den hilabetean zabaldu zuen Zarautz Rugby Taldeak bertan izena emateko aukera, eta 400 bikote baino gehiago apuntatu dira jada; hala eta guztiz ere, inskripzioa egiteko aukerak zabalik jarraitzen du oraindik ere herrikrosa.eus webgunean.
Hala, 7,9 kilometroko ibilbidea osatu beharko dute korrikalariek probaren egunean, 11:00etan Aritzbatalde kiroldegian hasi eta Lege Zaharren Enparantzan amaituta. Bitarte horretan herriko txoko ugari zeharkatuko dituzte; hala nola Amalur parkea eta Musika Plaza.
Dortsalei dagokienez, probaren aurreko egunean, 16:30etik 18:30era, edota probaren egunean, 09:00etatik 10:30era, jaso ahal izango dira, Aritzabatalde kiroldegiko pilotalekuan.