Aurreko igandean jokatu zituzten Zarauzko I. Esku Pilota Txapelketako lehenengo finalerdiak, eta igande honetan, bigarrenak izango dira Aritzbatalde pilotalekuan, 17:30etik aurrera.
Bi partida izango dira: jubeniletan, Paraguayo VII.ak eta Ancizarrek jokatuko dute Etxaniz azkoitiarraren eta Berozen aurka; promesetan, berriz, Bidezabal zarauztarra eta Sotil ariko dira Egurrola eta Segurolaren kontra.
Antolatzaileen esanetan, aurreko partidetan "jende ugari" hurbildu da frontoira, eta horreagtik, espero dute bihar are gehiago biltzea. Sarrera doan izango dela gogorarazi dute.