Atzo iluntzean jokatu zuen Bertsolari gazteen 49. Lizardi Sariko finala, Modelo aretoan, eta Janire Arrizabalaga gernikarra nagusitu zen 270,5 punturekin. Irati Alcantarilla eta Elixabet Etxandi izan ziren kanporaketetan puntu gehien erdietsi zituztenak, baina atzokoan oso fin aritu zen Arrizabalaga eta ongi merezitako txapela jantzi zuen.
Haren atzetik, ondorengoak sailkatu ziren: Maddi Agirre gazteistarra, 251 punturekin; Irati Alcantarilla urruñarra, 248 punturekin; Iker Ormazabal Tturko hernaniarra, 241 punturekin; Elixabet Etxandi izpurarra, 238,5 punturekin; eta, azkenik, Aimar Sorazu zarauztarra, 219,5 punturekin.
Era berean, finaleko bertsorik onenaren saria ere Janire Arrizabalagaretzat izan zen, hamarreko txikiko ariketako hirugarren bertsoagatik.