Zarautz Palestina herri ekimenak Palestinari babesa adierazteko kazerolada egingo du bihar arratsaldean. 19:00etatik 19:30era bitartean zarata ateratzea da asmoa, Lege Zaharren Enparantzan, Israel Gazan egiten ari den sarraskia irmoki salatzeko.
Zarautz Palestina hilero ari da antolatzen Gazari babesa adierazteko hitzordua. Stop genozidioa! lelopean elkartzen dira dozenaka herritar, bai malekoian egiten dituzten manifestazioetan bai kazeroladetan.