Alba Menendez eskubaloi jokalaria, Marta Arribas moda diseinatzailea eta Ibon Fernandez irrati esataria dira uztaileko Zarautz Guka aldizkari digitalaren protagonistetako batzuk, baina ez bakarrak. Izan ere, irakurtzeko, ikusteko eta entzuteko eduki interesgarriz josita dator bosgarren zenbakia ere: Mireia Galarzaren, Elaia Aizpuruaren, Alex Gurrutxagaren eta Jabier Aranbarriren iritzi artikuluak, Txema Gomez mintzalagunari egindako elkarrizketa, Marimar Castroren argazkiekin osatutako erreportajea, Imanol Epelderen audio mezua...
Zarautz Guka webguneko prentsa atalean zein Guka aplikazioan edonoren eskura daude aurreneko lau zenbakiak, eta nola ez, baita gaur bertan labetik atera berria den bosgarrena ere.
