Markel Errasti ZKE eskubaloi taldeko jokalari zarauztarrak promesa mailako Mediterraneoko Txapelketa irabazi du Espainiako selekzioarekin. Kroaziaren aurka neurtu zituzten indarrak larunbatean, final handian, eta partida borrokatu baten ostean, 26-34 gailendu ziren Daniel Sanchez-Nievesen mutilak.
Espainiako selekzioak Madrilen egin zuen txapelketarako kontzentrazio, eta apirilaren 5ean bidaiatu zuten taldekide guztiek Tunisiara. Pasa den astean, apirileko bigarrenean, jokatu zuten Mediterraneoko Txapelketa bertan.
