Argazkilaritzan trebatzen hasteko ikastaroa antolatu du Zarauzko Argazkizale Elkarteak. Martxoaren 17an hasiko dira saioak, eta maiatzaren 19an amaitu: orotara, hamasei ordu izango dira, bi orduko zortzi saiotan banatuta.
Parte hartu nahi dutenek lehenbailehen eman beharko dute izena, plaza mugatuak baititu ikastaroak. Horretarako, zae.zgs@gmail.com helbidera idatzi behar da, eta inskripzioa egiteko 55 euro ordaindu beharko dira.