Arkamurka natur taldeak antolatuta, Vidas irrenovables dokumentala ikusteko aukera izango da martxoaren 13an, 19:00etan, Modelo aretoan. Francisco Jose Vaquerok zuzendutako lana da, eta hain justu ere, ondutako lan horren inguruan elkarrizketatu zuen GUKAk urtarrilean. Erregai fosiletan oinarritutako energia-iturriak berriztagarriekin ordezkatzeak ekosisteman, ekonomian eta gizartean duen eragina mahai gainean jartzen du ikus-entzunezkoak.
Egoerak kaltetu dituen hainbat pertsonen testigantzek osatzen dute filma, eta, horrez aparte, energia berriztagarriak behar bezala eta ingurumena errespetatuz erabiltzeko jarraibideak ere bildu dituzte bertan. Horrez gainera, Antonio Turiel eta Francisco Varela zientzialariek ere parte hartu dute dokumentalean.
Ikus-entzunezko emanaldiaz aparte, dokumentalaren zuzendari Vaquerorekin solasaldia ere izango da amaieran, gaia modu sakonago batean jorratzeko asmoz. Dokumentala zein solasaldia gazteleraz izango dira, nahiz eta ikus-entzunezkoak euskarazko azpitituluak izango dituen.