Zirika Euskara Elkarteak antolatuta, bertso saioa egin zuten atzo arratsaldean Udaberri tabernan. Andoni Egañak, Iñigo Mantzizidor Mantxik, Amaia Agirrek eta Oihana Iguaranek eskaini zuten saioa, eta Uxune Areizaga aritu zen gai jartzaile lanetan.
Saioak ikusmina sortu zuen, eta goraino bete zen Udaberriko aretoa. Antolatzaileek azaldu dutenez, "igande arratsalde entretenigarria" pasatu zuten atzokoan, eta "astelehena alde ederreko irribarrearekin hasi dute batzuk". Gainera, bertso saioa Arraio irratiak grabatu zuen, eta hemen entzun daiteke.