Saltaka mendi korrika taldeak irteera antolatu du biharko: Talai Mendi Trail lasterketako ibilbidea egingo dute oraingo honetan, hain justu ere.
08:08an Zarauztik Oriora doan trena hartuko dute, eta 08:30ean jarri dute elkartzeko hitzordua, Orioko ikastolako atarian. Behin elkartuta, Talai Mendi Trail lasterketako ibilbidea burutuko dute: 14 kilometro inguru izango ditu, eta 600 metroko desnibel positiboa. Amaitzean, kiroldegian izango dute dutxatzeko aukera, eta jarraian hamaiketakoa egingo dute elkarte gastronomiko batean.
Saltakak jakitera eman duenez, bi dortsalen zozketa eta sorpresa gehiago irabazteko aukera izango dute biharko irteeran parte hartzen duten guztiek.