Hilren 20rako, ostirala, antolatu dute Motxian Etxebeltz bertso elkarteak eta Hiruputzuk elkarlanean XVI. Kopla Txapelketa, Hiruputzu gaztetxean. Saioaz gozatzera joan nahi duten bertsozaleek ostiraletik aurrera eskuratu ahal izango dituzte sarrerak: 19:00etan zabalduko dute mahaia, Musika Plazan.
Aurtengoan ere, hamar bertsolarik jardungo dute kantuan: Aner Peritz, Uxue Alkorta, Lurdes Ondaro, Ekhiñe Zapiain, Eñaut Martikorena, Aissa Intxausti, Aitor Mendiluze, Jone Uria, Patxi Irart eta Iñaki Viñaspre. Gai jartzaile modura, berriz, Imanol Epelde eta Irati Tolosa ibiliko dira, eta musika jartzeaz arduratuko dira Imanol Etxeberria, Aratz Olaizola eta Aitor Amilibia.
22:00etan hasiko da saioa, baina ateak 21:30ean zabalduko dituzte. Antolatzaileek jakinarazi dute bakoitzak, gehienez, bost sarrera erosi ahal izango dituela –bakoitza sei euroren truke–.