Argazkilaritzan lehen urratsak ematen hasteko ikastaroa antolatu du Zarauzko Argazkizale Elkarteak datozen hilabeteetarako. Hamasei orduko ikastaroa izango da guztira –bi orduko zortzi saio–, eta urriaren 28tik abenduaren 16ra bitartean eskainiko dute.
Antolatzaileek jakinarazi dutenez, plazak mugatuak dira –hamabi pertsonako taldea osatuko dute–; beraz, interesa dutenek lehenbailehen eman beharko dute izena zae.zgs@gmail.com helbidera idatzita. Ikastaroan izena emateko 55 euro ordaindu beharko dira.