Zarauzko hiribusaren ordutegiak aldaketak izango ditu bihartik –asteazkena– aurrera. Hain justu, hiribusaren 1 Lineak eta 3 Lineak izango dituzte ordutegi berriak, besteak beste, ikasturte hasiera honetan ikastetxeetara joan behar duten erabiltzaileentzat.
Halaber, udalak jakinarazi du 3 Lineak uda garaian Talaimendi auzoan eman duen zerbitzuak martxan jarraituko duela.
Aldaketa horiek, halere, hilabete inguru iraungo dute; izan ere, urritik aurrera martxan egongo dira Zarauzko Udalak erositako hiru autobus elektriko berriak, ordutegi eta ibilbide berriekin.
Hala, 1 Linearen eta 3 Linearen ordutegi berriak honako lotura honetan ikus daitezke. Ordutegi eta ibilbide berriei buruzko informazio gehiago, berriz, irailaren 16tik 22ra ezagutaraziko du udalak, Mugikortasun Astearen barruan.