Danda Gazte Asanbladak Udanda egitasmoarekin jarraitu zuen atzoko egunean eta herriko gazte artisten erakustaldia antolatu zuten Frontoi Txikin. Artista ugari elkartu ziren ekitaldia aurrera eramateko, besteak beste, Ramon Elizondo, Zorak Arruti, Unai Alberdi, Joakim Iparragirre, Yun Olazabal, Josu Larrea, Maia Berastegi, Aitor Elorriaga, June Lete, Paula Arriola, Ander Maio, Erik Naranjo, Alex Moro eta Gorka Lizaso.
Bitartean, gerturatu zirenek graffiti tailerrean parte hartzeko aukera izan zuten, herritarrek ere beren sormena erakutsi zezaten ere. Erakusketa amaitu ostean, Maren Otaegik kontzertu akustikoa eskaini zuen pianoarekin abestuz.
Eguraldia lagun, herritar ugari bertaratu ziren ekitaldira. Bertan, mokaduak jateko eta garagardoa hartzeko aukera ere bazegoen, udako giroan murgiltzeko. Hori dela eta, atzoko eguna borobila izan zen Udanda egitasmoarentzat. Hurrengo elkarretaratzea uztailaren 21ean izango da. Irakurle talde berriaren saioa antolatuko dute Hiruputzu gaztetxean, 19:00etan.