"Gaitzespenik gogorrena" adierazi du Zarauzko Udalak asteburuko sexu erasoaren harira. "Biktimarekiko eta haren ingurukoekiko gure laguntza eta hurbiltasuna adierazten dugu, biktimari bere errekuperazio- eta erreparazio-prozesuan laguntzeko behar dituen informazioa eta udal-baliabideak eskura jarriz”, gehitu du.
Gauzak horrela, herritarrei “berdintasunaren aldeko eta indarkeria matxistaren aurkako konpromisoa” eskatu die, biharko mobilizaziora batzeko deia luzatzeaz gain.