Saiaz mankomunidadearen barruko (Errezil, Beizama, Bidania-Goiatz eta Albizturgo udalek osatzen dute) Indarkeria Matxistaren Kontrako Protokoloaren talde eragileak bilera deitu du hilaren 18rako. Bidaia-Goiazko liburutegian elkartuko dira 17:30ean, eta besteak beste, Azaroaren 25erako prestatu duten egitarauaren berri emango dute.
Horrez gain, beste hainbat kontu ere landuko dituzte bileran, hala nola aurtengo prebentzio programak, indarkeria matxistari lotutako datuak, erakundeen arteko koordinazioa eta Erakundeen Mahaia.