Urola Kostako Ernaik etxebizitza eskubidearen aldeko elkarretaratze bana deitu du gaur arratsalderako Zarautzen eta Zumaian. 19:00etan hasiko dira bi mobilizazioak; Lege Zaharren Enparantzan izango da Zarauzkoa, eta Saregileen plazan Zumaiakoa
Etxebizitza "negozio izatetik eskubide izatera pasatzeko" urratsa eman dadin exijituko du Ernaik, horregatik, Etxebizitza duinaren alde, urrats bat aurrera! leloarekin mobilizatuko da gaur arratsaldean. Halaber, Zarautzen zein Zumaian bizitzeko eskubidea aldarrikatuko du.