Atzo iluntzean egin zituzten San Joan bezperako ospakizunak Urola Kostako herri gehienetan. Urtero bezala, sua, dantza eta musika izan ziren protagonista, eta bero itogarria izanagatik ere, herritar ugari bildu zen plazetan urteko egunik luzeenak sortzen duen gaurik berezienetako bat ospatzeko.
Ohiko egitarauari eutsi zioten herri askotan, nahiz eta azken egunotako bero sapak zenbait ekitaldi baldintzatu. Tenperatura altuen ondorioz, eskualdeko udalek prebentzio neurriak hartu zituzten, eta horrenbestez, San Joan su txikiagoak egitea edota ekitaldien iraupena laburtzea erabaki zuten. Dena den, suak egitea debekatu duten udalak ere izan dira Urola Kostan, Beizamakoa eta Zestoakoa kasu; bi herri horietan ez duten San Joan surik piztu aurten.
Hala eta guztiz ere, neurriok ez duten festa giroa zapuztu, eta dozenaka lagun elkartu ziren suaren bueltan. Herri batzuetan, auzo giroa izan zen nagusi, eta beste batzuetan, kutsu instituzionala izan zuten. Nolanahi ere, eskualdeko San Joan su guztiek utzi zituzten une bereziak.
(Argazkiak: Guka eta Arnaitz Rubio Aprea)