Bero ikaragarria eginagatik, Tolosaldeko T3T eta T2T mendi lasterketak oparoak izan dira eskualdeko korrikalarientzat. Atzo jokatu zituzten bi probak, eta Eneritz Aramendi azpeitiarrak irabazi zuen maratoia; June Agirrezabalaga zarauztarra, berriz, garaile izan zen bi tontorren bueltako proban.
42,8 kilometroko ibilbidea osatu zuten hiru tontorren bueltako maratoia egin zuten partaideek, eta Aramendik 5 ordu, 24 minutu eta 51 segundo behar izan zituen helmugaratzeko. T2T proban, berriz, Agirrezabala izan zen garailea; hark 2 ordu, 39 minutu eta 32 segundo behar izan zituen 24,4 kilometroko proba bukatzeko.
Tolosaldeko Atariaren webgunean daude ikusgai atzoko probetako argazkiak, baita kronikak ere.