Zarauzko Alde Zaharrean jaioa da Jose Antonio Gesalaga Zaldubi; zehazki, Trinitate kalean. Han ditu umetako oroitzapenik gehienak, han eta hondartzan, eta oraindik ere ondo gogoan ditu orduko jolasak, baita etxera zapatak bustita joandakoan jasotzen zituzten belarrondokoak ere. Umetako eta gaztaroko kontuak eta beste hamaika pasadizo berritu ditu Dabilen harriari saioaren aste honetako atalean.