Asteburuan gogotik ospatu dituzte Santa Ageda jaiak Matxinbentan, eta etzi, Santa Ageda egunarekin, bukatuko dituzte. Han eskean irteteko asmorik ez dute bihar; bai, ordea, Aian, Azkoitian, Azpeitian, Errezilen, Orion, Zestoan, Zarautzen eta Zumaian. Aizarnazabalen, Getarian eta Lasaon, larunbatean aterako dira.
Hemen santa eskeen egitarauak, herriz herri:
BIHAR, ASTEAZKENA. SANTA AGEDA BEZPERA
- Aia.
- HHko ikasleak goizean herriko kaskoan ibiliko dira, LH1-LH6 artekoak, auzoetan. 17:15ean, denak plazan elkartuko dira.
- Azkoitia.
- Floreaga: DBH4koak 09:30ean irtengo dira, eta HH-LHkoak 11:15ean. 12:00etan plazan elkartuko dira guztiak.
- Azkoitia BHI: 11:30ean aterako dira taldeka, eta 14:00etan eliz atarian elkartuko dira guztiak.
- Xabier Munibe: 10:30ean irtengo dira ikastolatik eta 12:00etarako ikastolako atarian bilduko dira guztiak.
- Bizilore: Santa Ageda bezperan DBHkoak baserriz baserri ibiliko dira; LHkoek eta HHkoek eskolan ospatuko dute jaia, eta San Martin auzora joango dira kantari.
- Azpeitia.
- Iraurgi: 09:00etan ikasleak kalera aterako dira eta Goienetxekoengana ere joango dira; 16:30ean HHko eta LHko ikasleak jolastokian ibiliko dira; eta 19:00etan guraso, ikasle eta irakasleak Sanagustinpetik irtenda kalean ibiliko dira.
- Ikasberri: 09:30etik 12:00etara DBH4ko ikasleak herrian ibiliko dira.
- Izarraizpe: 10:00etan DBHko ikasleak kalera aterako dira.
- Errezil.
- 09:15ean, San Martin herri eskolako ikasleek eta irakasleek gurasoei abestuko diete, eta gero, herrigunean ibiliko dira.
- Orio.
- Zaragueta: 10:30ean, eskolatik irten eta herrian barrena ibiliko dira.
- Orioko Herri Ikastola: 18:00etan ikastola aurreko plazatxoan elkartu eta kalez kale ibiliko dira kantuan.
- Zestoa.
- 08:15ean Gurutzean elkartuko dira eta handik hasiko dute santa eskea. 13:30ean Ipintza elkartean bazkalduko dute, eta arratsaldean ere kantuan jarraituko dute.
- Zestoako Herri Eskolako, Aizarnako eta Arroabeko eskoletako haurrak kantuan ibiliko dira 09:00etatik aurrera.
- Zarautz.
- Txinpirin abesbatzako umeak eta musika eskolako txistulariak kantuan ibiliko dira 18:00tatik aurrera.
- Zarautz Abesbatza, Zarazte abesbatza eta Zarautztrik 19:30ean abiatuko dira Musika Plazatik.
- Zumaia.
- Herriko bi ikastetxeetako kideak aterako dira santa eskean, bakoitza bere aldetik.
- Korokoiak abesbatzak Sasi Ageda kalejira egingo du, 18:30ean hasita, Victoriano Arrate etorbidetik.
OTSAILAK 7, LARUNBATA
- Aizarnazabal.
- 09:00etatik aurrera, santa eskean aterako dira herrian barrena, eta haurrek ere ekintzan parte hartzeko aukera izango dute.
- 16:15ean udaletxearen aurrean elkartuko dira haurrak eta helduak.
- 18:30ak bitartean, Zubialden ibiliko dira santa eskean, eta helduen taldeak Muitza aldera jarraituko du.
- Getaria.
- 09:00etan plazan elkartuko dira, eta ibilbide hau egingo dute santa eskean: Akerregi, San Prudentzio, Askizu. Ondoren, Askizun bazkalduko dute.
- Lasao (Azpeitia-Zestoa).
- 09:00etan irtengo du Lasaoko santa eskeko taldeak, eta betiko ibilbidea egingo du Andoni Egaña eta Iñigo Manzisidor Mantxi bertsolariekin eta Iraitz eta Unai trikitilariekin. Bazkaria eta afaria egingo dituzte.