Itsasbazterreko arrisku maila handia tarteko, Zumaia eta Zarautz arteko errepidea itxi dute arratsaldean. Denboralea baretu arte egon da itxita, baina Eusko Jaurlaritzaren Trafiko Zuzendaritzak jakinarazi duenez, dagoeneko irekita dago Zumaia eta Zarautz lotzen dituen N-634 errepidea.
Hasieran Zumaia eta Getaria arteko bidea itxi duten arren, minutu gutxiren buruan jakinarazi du aipatutako erakundeak kostako errepidea osorik itxiko zutela, Getariatik Zarautzerako zatia barne. Gaurko eta biharko abisu horia du iragarrita Euskalmetek.