Ion Egiguren aizarnarra izan da aste honetako Dabilen harriari saioaren protagonista. Guka Telebistak atzo gauen, 22:00etan, bota zuen bigarren denboraldiko zazpigarren atala, eta horretan, besteak beste, gaztetako kontuak eta pasadizoak berritu zituen Egigurenek. Izan ere, Azpeitiko bizilagunari beti sortu izan diote jakin-mina Aizarnaren historiak eta hango istorioek, eta horietako zenbait ekarri zituen gogora Santa Engrazia gainean egindako elkarrizketan.
Datozen asteetan ere, asteartero-asteartero, Dabilen harriari saioaren atal berriak ikusteko aukera izango dute herritarrek Guka Telebistan, 22:00etan. Asteazken arratsaldetik aurrera, berriz, Gukaren webguneetan ikusi ahal izango dira atal horiek.