Peio Ziarsolok mendi lasterketen Euskal Herriko Kopa irabazi du, jubenilen mailan. Sei mendi lasterketetan erabaki da kopa, eta horietako lau irabazi ditu Ziarsolok: Lakuntzako mendi lasterketa (Lakuntza, Nafarroa), Agoitzeko mendi lasterketa (Agoitz, Nafarroa), Sorginen lasterketa (Atxondo, Bizkaia) eta Kolitza mendi lasterketa (Balmaseda, Bizkaia).
Atzo jokatu zuen Ziarsolok Kolitzako mendi lasterketa. 13 kilometroko proban irten zuen, eta sailkapen orokorreko bosgarren postua eskuratu zuen, ibilbidea 1.06.36 denboran eginda.