Gau Beltza edo Arimen Gaua ospatu dute Zestoako Aizarna auzoan. Arratsaldean hasi dituzte ekintzak; hain zuzen ere, 17:00etan, mozorroak eta kalabazak prestatu dituzte, Barbantxo eta Ahurraren eskutik, ludotekan. 18:00etan, photocall-a eta jolasak izan dira musikariz alaituta, frontoian. Ondoren, mokadutxoa izan da auzotarrentzat, Aitzbarna elkartean. Amaitzeko, arimen bidearen argitzea egin dute, herrian zehar, ilunpean.
(Argazkiak: Utzitakoak)