GZR Getariako musika taldeari egin dio elkarrizketa Gukak, biharko bigarren diskoaren aurkezpenaren atarian. Lau musikarik osatzen dute taldea: Iban Gontan abeslari eta Oihan Manterola baxu jotzaile getariarrek nahiz Xabi Olaizola gitarrista eta Ibai Goikoetxea bateria jotzaile zarauztarrek.
Aurreko ostiralean argitaratu zuten Nola Hila Nahi Dek? izeneko diskoa, eta, bihar, Getariako Salbatore jaiekin batera, abesti berriak aurkeztuko dituzte oholtza gainean. Kontzertua 22:00etan hasiko da frontoian, eta beste zenbat talderen emanaldiak ikusteko aukera ere egongo da.
Elkarrizketa honetan, bigarren diskoari buruzko informazioa emateaz gain, taldearen jatorria, ibilbidea eta eguneroko lanaren atzean dagoen istorioa gertutik ezagutzeko aukera eman diote Gukari. Musikaz haratago, beraien bizipenak eta etorkizuneko erronkak ere partekatu dituzte.