Azpeititik Zestoara doan 8,5 kilometroko ibilbidea egingo dute etzi, asteazkenarekin, Zestoa Osasuntsu egitasmoaren baitan. Ohi bezala, Zestoako zein Aizarnazabalgo jubilatuak gonbidatuta daude parte hartzera.
08:50ean elkartuko da taldea Zestoako Kiroldegiaren aurrean, eta 09:00etako autobusa hartuko dute Azpeitira. Bertatik, trenbide zaharretik barrena, 8,5 kilometroko egingo dituzte oinez Zestoara itzultzeko. Ibilaldiaren ostean, hamaiketakoa egingo dute Jubilatuen tabernan.