Ertzaintzak gizon bat atxilotu du Getariako etxebizitza batean, emakume baten aurkako sexu erasoa egotzita. Ostiralean atxilotu zuten, emakumeak salaketa jarri ostean. 51 urteko gizona Ertzaintzaren egoitzara eraman zuten zegozkion polizia izapideak egitera, eta horiek amaituta, atxilotua atzo jarri zuten epailearen eskuetan. Dena dela, hori eta gero, aske geratu zen gizona.
Erakundeak azaldu duenez, biktima astero joaten zen ustezko erasotzaileak Zarautzen zuen terapia naturaleko kontsultara, eta Ertzaintza ikertzen ari da, beraz, kasuarekin lotutako biktima gehiago egon daitezkeen. Alde horretatik, balizko kaltetuen laguntza eskatu dute. Gainera, Ertzaintza ikertzen ari da ustezko erasotzailea biktimaren zaurgarritasun egoeraz baliatu ote zen erasoa egiteko.
