Indarkeria Matxistaren Kontrako Nazioarteko Eguna da gaur, eta eskualdeko herri ia guztietan antolatu dituzte indarkeria matxistaren aurkako mobilizazioak. Hona hemen herriz herriko egitaraua:
Aia
- 18:30. Talde Feministak deituta, giza katea Etxetxotik, eta elkarretaratzea.
Aizarnazabal
- 19:00. Elkarretaratzea, udaletxe aurrean, Aizarnazabalgo Mugimendu Feministak deituta.
Azkoitia
- 12:00. Elkarretaratze isila plazan, udalak deituta. Indarkeria matxistaren biktimak oroitzeko, kandelak piztuko dituzte.
- 18:00. Indarkeria matxistaren aurka borrokatu! lelopean elkarretaratzea, plazan, Itaiak deituta.
- Azaroak 25 - Abenduak 1. Erakusketa. Ahalduntze ikastaroetako xilografia lantegiko emakumeen lanak ikusgai, Portaleburun.
Azpeitia
- 18:00. Ez bazara konponbidea, arazoa zara leloarekin elkarretaratzea, plazan, Mugimendu Feministak deituta.
- 19:00. Indarkeria matxistaren aurka borrokatu! lelopean elkarretaratzea, plazan, Itaiak deituta.
Beizama-Errezil
- 19:00. Beizama, Errezil, Bidania-Goiatz eta Albiztur barnebiltzen dituen Saiaz mankomunitateak Bidania-Goiatzen deitu du aurtengo elkarretaratzea, frontoian.
Getaria
- 18:30. Elkarretaratzea, berdura plazan, Mariñak talde feministak deituta.
- Egunotan. "Kokoteraino nago...". Mariñak talde feministak indarkeria matxistaren gaineko herriko emakumeen testigantzak jasotzeko egitasmoa jarri du martxan. Kutxak jarri dituzte herriko hainbat tokitan, eta Interneten jarri duten formularioa ere erabil dezakete emakumeek, anonimoki beren ekarpenak egiteko.
- Abenduak 1, igandea. Mama film laburraren emanaldia. 18:30ean, Iturzaeta aretoan.
Orio
- 19:00. Ez bazara konponbidea, arazoa zara leloarekin manifestazioa, plazatik Lourdes del Hoyo hil zuten tokira, Orioko Mugimendu Feministak deituta.
Zarautz
- 19:00. Indarkeria matxistaren aurka borrokatu! lelopean mobilizazioa, Itaiak deituta, Lege Zaharren Enparantzan.
- 19:15. Ez bazara konponbidea, arazoa zara. Indarkeriarik gabeko gorputzen eta lurraldeen alde errebelatu! lelopean manifestazioa, Zarauzko Mugimendu Feministak deituta, Belauntzaran plazatik.
Zestoa
- 18:00. Indarkeria matxistaren aurka borrokatu! lelopean elkarretaratzea, plazan, Itaiak deituta.
- 19:00. Ekitaldi feminista, plazan.
Zumaia
- 12:05. Hitzaldia eta elkarretaratzea Zumaiena BHIn, Indarkeria matxista ez ikastetxeetan, ez inon leloarekin, Ikasle Abertzaleek deituta.
- 19:00. Zure egia, guztion ardura leloarekin manifestazioa, Eusebio Gurrutxaga plazatik abiatuta, Zumaiako Udalak, Emakumeon Etxeak eta Mugimendu Feministak deituta.
- Bihar, 18:30. Ipuin kontaketa helduentzat, Ixabel Agirresaroberekin, Emakumeon Etxean.