Emozioz betetako Euskadiko Bigarren Mailako Aizkora Txapelketaren finala jokatu dute gaur Azkoitiko Gurea frontoian. Finaleko hiru faboritoak, Julen Alberdi Txikia IV.a azkoitiarra, Eneko Otaño beizamarra eta Mikel Larrañaga azpeitiarra, ia parean joan dira hasieratik azken enborrera arte, baina azkenean azpeitiarra izan da txapelduna, eta Otañok bigarren postua eskuratu du; segundo bat, aizkorakada bakar bat, behar izan du Alberdik lanak bukatzeko, eta kolpe baten faltan, azkoitiarrari ihes egin dio lehen mailarako txartelak; horrenbestez, Larrañaga eta Otaño lehenengo mailan lehiatuko dira hurrengo denboraldian, eta azkoitiarrak beste sasoi bat igaroko du bigarrenean.
Hemen ikus daitezke finalak utzi dituen irudiak.