Udako sasoiari amaiera eman dio Euskotrenek. Udako hilabeteetan zerbitzua handitu egiten du tren zerbitzu publikoak, batez ere asteburuetan. Orain, behin oporraldiak amaituta, neguko ordutegia aplikatuko du bere linea guztietan. Horien artean izango da Donostia eta Bilbo (Matiko) arteko eta Zumaia eta Donostia arteko lineatan.
Aldaketa hauen helburua, "ordutegiak eta maiztasunak batez ere hezkuntza- edo lan-arrazoiengatik dauden joan-etorrien beharretara egokitzea" dela azaldu du Euskotrenek.
Euskotrenen webgunean edo bere Appean kontsultatu ahal izango dira ordutegi berriak.