Helduen Hezkuntza Institutuetan datorren ikasturterako matrikula egiteko epea zabaldu dute. Gaurtik ekainaren 27ra bitartekoa da matrikula egiteko epea. Helduentzako Urola Kostako zentroetan honako eskaintza dago: alfabetatzea, DBHko titulua eta hizkuntzak (euskara, gaztelania eta ingelesa). Zarauzko zentroan oinarrizko informatika ere eskaintzen dute.
Urola Kostan Azpeitian, Azkoitian eta Zarautzen egin daiteke matrikula: gaurtik ekainaren 20ra arte arratsaldez, 15:00etatik 20:00etara eta ekainaren 21etik 27ra 09:30etik 14:00etara. Honakoak dira zentroetako telefono zenbakiak: Azpeitiko zentroa, 943-81 22 03; Zarauzko zentroa, 943-13 00 13 edota 943-89 43 24; eta Azkoitikoa, 943-85 03 99.
Ate irekien jardunaldiak
Ate irekien jardunaldiak ere egingo dituzte Helduen Hezkuntza Institutuetan. Azpeitian, bihar asteartea, 15:00etatik 18:00etara egingo dute. San Martin estratan dago helduen eskola.
Zarautzen, berriz, asteazkenean, ekainaren 19an, 15:00etatik 18:00etara egingo dute ate irekien jardunaldia. Pagoeta kalea 2-4 zenbakietan dago helduentzako eskola.