Prest dute Elkano auzoan sanpedroetako egitaraua. Ekainaren 28tik hasita, festetan murgilduko dira auzo horretan igandera bitartean, eta hainbat ekintza antolatu dituzte, hala nola mezak, herri kirol txapelketak, idi demak eta umeentzako ekintzak.
Ostiral arratsaldean emango diote hasiera festari, 17:00etan botako duten txupinazoarekin. Jarraian, ume jolasak eta Alain Zulaika mago ibiltaria izango dira auzoan. Iluntzean, aldiz, parrilladak eta Dj Olberrek girotuko dute auzoa. Larunbatean, San Pedro egunez, berriro botako dute txupinazoa 8:00etan, eta 11:00etan meza nagusia egingo dute auzoan. Gero, tortilla lehiaketa eta pintxo banaketa izango da, trikitilariekin eta pilota partiduarekin batera. 21:00etan, eguna amaitzeko, auzo afaria eta erromeria egingo dituzte. Txartelak dagoeneko eskuragarri daude Gazteategin. Elkartean, berriz, hilaren 16an eta 23an salduko dituzte.
Igandean, ospakizuna egingo dute elizan 11:00 aldera, eta ondoren Gipuzkoako Kintopeko Harri-jasotze Txapelketa jokatuko dute Jon Agirrek, Imanol Royo Lartain-ek eta Aratz Zubeldiak. Egunarekin amaitzeko, idi demak izango dira 18:00etan Etxetxo, Matxain eta Etxaber Palaziorekin.
Ekainak 28
17:00. Txupinazo, suziri eta kanpaiak jaiei hasiera emateko
17:30. Ume jolasak
Gero, Alain Zulaika mago ibiltaria
20:00. Parrillada frontoian
Gero, Dj Olber auzoan
Ekainak 29
08:00. Txupinazoa suziri eta kanpaiekin
11:00. Meza nagusia
Gero, tortilla lehiaketa eta pintxo banaketa, Amets eta Oihane Etxaide trikitilariak eta pilota partidua: Eizmendi eta Ostolaza Arrite eta Ziotza pilotarien aurka
21:00. Auzo afaria eta erromeria Ostolaza eta Larrañagarekin. Txartelak dagoeneko eskuragarri Gazteategin. Elkartean hilaren 16an eta 23an salduko dituzte
Ekainak 30
11:00. Ospakizuna elizan
Gero, Gipuzkoako Kintopeko Harri-jasotze Txapelketa jokatuko dute Jon Agirrek, Imanol Royo Lartain-ek eta Aratz Zubeldiak
18:00. Idi demak Etxetxo, Matxain eta Etxaber Palaziorekin
20:00. Erromeria Laja eta Narbaizarekin