Instagram sare sozialeko erabilera profesionalaz ikastaroa emango du Urola Kostako Udal Elkarteak maiatzaren 29an, asteazkena, arratsaldez. Miramon Enpresa Digitalarekin elkarlanean antolatu dute saioa, eta Instagrameko tresnen eta estrategien erabilera aurreratuan trebatzeko helburua izango du, baita komunitateak sortzea eta algoritmoa helburu komertzialetarako optimizatzen ikastea ere.
Irakatsiko dute, alde batetik, Instagram zer den eta nola funtzionatzen duen. Jarraitzaileen komunitateaz ere arituko dira gero, eta azkenik, diseinu tresnez, denboraren kudeaketaz eta lankidetza sareez arituko dira.
UKUEren egoitzan izango da saioa, 14:00etatik 16:00ak artean, eta enpresak eta autonomoak gonbidatu dituzte. Parte hartzea doakoa den arren, beharrezkoa izango da aurrez izena ematea, lotura honetan.