Oriora eta Aginagara irteera egingo dute maiatzaren 23an Azkoitiko Plaza Ondo, Azpeitiko Baigera eta Aizarnazabalgo eta Zestoako jubilatuen eta pentsiodunen elkarteek antolatuta. Hain justu, 12:00etan meza izango dute Orion, eta jarraian Aginagako sagardotegian bazkalduko dute. Irteerak Azkoititik (liburutegiaren aurretik), Azpeititik (San Martin egoitzatik) eta Zestoatik izango dira, 10:00etan.
Azkoitian, Plaza Ondo elkartearen bulegoan, etzi, ostirala, itxiko dute irteeran izena emateko aukera; Baigerak, berriz, maiatzaren 22an egingo du eta Zestoako eta Aizarnazabalgo jubilatuek hilaren 20a baino lehen egin beharko dute, 943-14 70 91 telefono zenbakira deituta.