Solasaldia egin zuten Cachi-Bachi elkartean probaren 50 urteak gogora ekartzeko, bertan antolatzaile eta parte-hartzaileekin. Bertan izan ziren Marina Fernandez eta Jabi Lizaso Zarautz Balea Igeriketa Klubeko presidente ohiak, Monica Urcelai Zarautz Balea Igeriketa Klubeko egungo presidentea, Pablo Cazalis klubeko kide eta probaren antolatzaile nagusia, Cristobal Rochas klubeko batzarreko kidea eta proban 25 aldiz parte hartu duena eta Nerea Murua, zeharkaldia hiru aldiz irabazi duen igerilari zarauztarra.