Urrutira joan gabe saioa bueltan da, atzo ekin baitzion hirugarren denboraldiari. Mireia Galarza kazetariak zuzenduta, denboraldi berriko lehen atala eskaini zuen Urola Komunikazio Taldeak (UKT) Erlo Guka Telebistan. Aizarna eta Santa Engrazi arteko bidea egin zuen Galarzak Mikel Irure Agiro mendi klubeko kidearekin batera.
Urrutira joan gabe saioaren beste bost atal eskainiko ditu UKTk datozen bost asteazkenetan, 21:00etan hasita. Datorren astean, Arantxa Ugarte oikiarrarekin Oikian bertan egin daitekeen ibilbide bat egingo du Galarzak. Saioa telebistan jarraitu ezin dutenek UKTren webgune guztietan ikusi ahal izango dute saioa, gaur bezala, ostegunean.