Kontxako banderarako sailkatzeko atzoko emakumezkoen probaren ondotik, gizonezkoen txanda izango da gaur eta eskualdeko lau traineru izango dira zazpi txarteletako bat eskuratzeko lehiatuko direnak: Getaria, Orio, Zarautz eta Zumaia. Denboraldiko emaitzak aintzat hartuta, lehenengo biek izango dituzte aukera helburua lortzeko eta iazkoa errepikatzeko; izan ere, Eusko Label ligako sailkapenean lehenengo seien artean sailkatuta daude. Dena den, KAE1ean aritzen diren Zarautzek eta Zumaiak ere egingo dute ez ustekoa emateko ahalegina.
Atzo bezalaxe, gaurko proba ere 18:00etan hasiko da eta dagoeneko zehaztu dute traineruen irteera ordua. Eguerdian egin dute zozketa eta Zarautz izango da, hain justu, abiatzen lehenengoa. Enbataren atzetik egingo du Telmo Deunek. KAE1eko bi ontziak A multzoan arituko dira, eta, ondorioz, ez dituzte izango faboritoen B multzoan arituko diren traineruen erreferentziak izango.
B multzo, horretan, egingo du arraun Oriok, hain justu ere, baina haiek ere ez dute aurkari zuzenen erreferentzia egokiena izango aurretik abiatuko direlako. B multzoan lehiari ekiten bigarrena izango da Orio, hamalaugarrena orotara, eta atzetik abiatuko dira Zierbena eta Urdaibai, Eusko Label ligako oilarretako bi.
Kontrara, Getariak guztien erreferentziak izango ditu; zeren, erlojupekoa itxiko duen ontzia izango da. Esperantzaren aurretik abiatuko da sailkapena lortzeko eta bandera irabazteko beste faboritoetako bat: Hondarribi.
Hona hemen gizonezkoen Kontxako sailkatze probako traineruen hurrenkera:
- Zarautz
- Zumaia
- Lapurdi
- Tiran
- San Juan
- Bueu
- Arkote
- San Pedro
- Elantxobe
- Mutriku
- Deusto
- Hibaika
–2 minutuko tartea– - Santurtzi
- Orio
- Zierbena
- Urdaibai
- Ares
- Lekittarra
- Kaiku
- Sanmertolameu
- Ondarru
- Cabo
- Hondarribi
- Getaria