Orioko neskek lortu dute posturik onena Bilboko Banderan

Bilboko itsasadarrean jokatu dituzte gaur arratsaldean Euskotren Ligako eta Eusko Label Ligako aste honetako jardunaldiak, erlojupeko formatuan. Emakumezkoetan, Donostia Arraun Lagunek-entzat izan da bandera, eta gizonezkoetan, berriz, Hondarribiarentzat. Eskuadeko ordezkariei dagokionez, Orioko traineruak hirugarren eta bosgarren egin dute, eta Getariak ez du egunik onena izan eta bederatzigarren bukatu du.

Emakumezkoen ohorezko txandan, kronometroak paretsu ziren joaneko luzean. Donostiako bi taldeen eta Orioren artean bi segundoko aldea besterik ez baitzegoen ziaboga emateko orduan. Poparean, bestelakoa izan da istoria, eta Arraun Lagunak-ek zertxobait gehiago estutu du. Donostiarra orpoz orpo izan du, eta Orio ere hortxe, baina pixka bat atzerago. Azkenean, Arraun Lagunak nagusitu da, Donostiarrak bigarren bukatu du eta Orio hirugarren izan da.

Sailkapen orokorrean ere hurrenkera horretan jarraitzen dute traineruek.

Gizonezkoen estropada ikusgarria izan da, zalantzarik gabe, hiru txandetan. Bigarrenean aritu da Orio, eta 2 ehuneko eskasengatik ez da nagusitu bere multzoan. Donostiarrarekin  lehia bizi izan du, eta azkenean haiek hartu diete aurrea, eta sailkapenean ere laugarren bukatu dute. Korronteak eta haizea protagonista izan da gaurkoan eta ondoen kudeatu duenak bereganatu du trapua, eta, azkenean, Hondarribiarentzat izan da saria, nahiz eta Zierbena gainean izan duen.

Getariak ohorezko txandan aritu den arren, ez da azken estroipadetan bezain txukun aritu eta denbora dezente galdu du aurretik ibiltzen dire ontziekin alderatuta. Azkenean, bederatzigarren koskan bukatu du, garailearengandik 32 segundora.