Euskaraldiaren azken txanpan, kalera irten da Erlo Telebista herritarren esperientziak jasotzeko asmoz. Garrantzitsua iruditzen al zaie herritarrei Euskaraldia bezalako ekimenak antolatzea? Zein helburu jarri dizkiote beren buruei aurtengo ediziorako? Galdera horiek eta gehiago erantzun dituzte Azkoitiko eta Zestoako hainbat herritarrek.
Urolako Komunikazio Taldeak (UKT) Euskaraldia dela-eta osatu duen Euskara arnas seriearen barruko ikus-entzunezkoetako beste bideo bat da honakoa. Datozen egunetan –Euskaraldiak irauten duen bitartean, egunero– UKTk eskualdeko hainbat euskaldunberriren elkarrizketak kaleratuko ditu, baita herritarren iritzi nahiz Euskaraldiko dinamizatzaileen balorazioak ere. Gainera, Urola Kostako Hitza egunkarian euskarari lotutako hainbat erreportaje irakurri ahal izango dira datozen asteetan.
Hona hemen orain arteko bideoak:
- Azpeitia: Carmen Calzas
- Zumaia: Esther Cruz
- Aizarnazabal: Eli Muñoz
- Aia: Jenny Ross
- Kale inkesta kostan
- Errezil: Alice Goffart
- Hikaldia: Naiara Intxausti eta Itsaso Astigarraga
- Getaria: Maria Bocancea
- Dinamizatzaileen balorazioak
- Zestoa: Andres Insua
- Zarautz: Susanna Llavina