Doinu berrien plaza

Estreinatzear da #DoinuBerrienPlaza, eskualdeko musikari gazteei eta proiektu berriei ahotsa emateko saioa. Iratz Urkizu oriotarra izan da lehen denboraldiko aurreneko gonbidatua. Lehen denboraldian, sei taldek egin dute bisita plaza berrira, eta aurreneko saioa igande honetan izango da ikusgai, 21:30ean hasita Erlo Telebistan eta UKTren tokiko webguneetan.

Doinu berrien plaza

Deñe Garcia Bravo musikari azpeitiarra da UKT-k eskualdeko musikari gazte edo berriei ahotsa emateko sortu duen Doinu berrien plaza saioko bigarren gonbidatua. Urrestillako artista bere hastapenez, formakuntzaz, ibilbideaz nahiz esku artean dituen proiektuez aritu da Maialen Etxaniz kazetariarekin.

Mäirü musika taldea da UKT-k eskualdeko musikariei ahotsa emateko sortu duen 'Doinu berrien plaza' saioko hirugarren gonbidatua. Nagore Etxabe zumaiarra da taldekideetako bat, eta Txomin Dhers musikariarekin batera kontatu ditu taldearen nondik norakoak.Bederatzi pertsonaz osaturiko orkestra txiki eta bitxia da Mäirü. Txalaparta, perkusio, sintetizadore, gitarra, bateria, harmonium indiar, ttunttun, boz, zeharkako flauta eta ahotsekin osatutakoa.

Marlik musika taldea da UKT-k eskualdeko musikariei ahotsa emateko sortu duen 'Doinu berrien plaza' saioko laugarren gonbidatua. Ez da talde berria, baina doinu berriak sortzen dihardu aspalditik. Maialen Velarde (ahotsa) eta Beñat Fernandez (gitarra) elkartu dira Maialen Etxaniz kazetariarekin, eta taldearen nondik norakoez, sortzen eta entzuten duten musikaz nahiz euskal eszenaz aritu dira solasean.

Itoizezank! proiektuko kideak dira UKT-k eskualdeko musikariei ahotsa emateko sortu duen Doinu berrien plaza saioko seigarren gonbidatuak. Hain zuzen, Nagore Etxabek eta Unai de Andresek osatzen dute Itoizezank, eta haiek elkartu dira Maialen Etxaniz kazetariarekin sortu duten proiektuaren inguruko xehetasunak azaltzeko. Doinu bereziak sortzen dituzte, Itoiz musika taldearen abestiak oinarri.

Keia musika taldea da UKT-k eskualdeko musikariei ahotsa emateko sortu duen 'Doinu berrien plaza' saioko bosgarren gonbidatua. Talde berria den arren, musikaren munduan ibilbide eta esperientzia luzea duten musikariek osatzen dute Keia, eta horietako bi dira Ane Arruti (ahotsa) eta Iker Martinez de Zuazo (gitarra). Horiek biak elkartu dira Maialen Etxaniz kazetariarekin, eta taldearen nondik norakoez, musikari bakoitzak taldeari ematen dionaz, entzuten duten musikaz nahiz musikari berriei ematen zaizkien aukerez aritu dira solasean.