Larunbat honetan mantak bilduko dituzte kalean bizi diren pertsonentzat

Onintza Lete Arrieta

Koloretako manta bat. (Pixabay)

Iriki Begik elkartasun taldeak antolatu du bilketa, eta jakinarazi du mantak Herritarren Harrera Sarearen esku utziko dituztela gero.  

Hotza iristearekin batera, mantak biltzeko beharra ikusi dute zenbait eragilek, kalean bizi diren pertsonei laguntze aldera. Horregatik, Iriki Begik Orioko elkartasun taldeak manta bilketa egingo du larunbat honetan Herriko Plazan. 11:00etatik 14:00etara ibiliko dira materiala jasotzen. 

Azaldu dutenez, herrian bildutako mantak Herritarren Harrera Sarearen esku utziko dituzte, haiek arduratuko baitira berokiak behar bezala banatzeaz. 

Gaurko ametsak biharko albiste izan daitezen, beharrezkoa dugu zure babesa.


Egin bazkide