Los últimos pastores dokumentalaren emanaldia eta solasaldia antolatu dituzte Aiako eta Orioko udalek aste honetarako. Oriokoa bihar, ostirala, 20:00etan Kultur Etxean izango da, eta proiekzioaren ondoren Samu Fuentes zuzendariak eta Maialen Sarasua zinemagile oriotarrak hartuko dute hitza; filmean aritu da lanean azken hori ere.
Aiako emanaldia, berriz, etzi izango da, larunbatean, 18:00etan Kultur Etxean.
Dokumentalak Fernando eta Manolo Mier anaien egunerokoa erakusten du. 13 urte zituztenetik artzain aritutako bi anaiak Europako mendietan belaunaldiz belaunaldi iraun duen bizimodu baten azken lekukoetakoak dira, eta filmaren bidez, mendiko artzaintzaren gogortasuna eta edertasuna ez ezik, bizimodu hori desagertzeko arriskuan jartzen duten aldaketak eta zailtasunak ere agerian geratzen dira.