Haritz Arregi Eizagirre izango da Orioko Futbol Taldeko emakume seniorren lehen taldeko entrenatzaile berria 2026-2027 denboraldian. Taldea ondo ezagutzen du, orain arte bigarren entrenatzaile aritu baita 37 urteko aiarra.
Lekukoa Aitor anaiari hartuko dio, horrek arrazoi pertsonalengatik erabaki baitu ardura hori uztea. Aitor Arregirekin lortu zuten neskek iaz Ohorezko Mailara igotzea, eta aurten mailari eustea ere lortu dute, denboraldi ona eginda.