300 arraunlaritik gora izan dira Badok 13 Orio beteranoen arraun elkarteak antolatutako XI. Jakes Landa Oroimenezkoa eta III. Edu Mugertza Oroimenezkoan lehian. 14:30ean hasi da proba eta Gipuzkoa, Bizkaia, Kantabria eta Kataluniako 25 arraun taldek hartu parte, Badok 13 garaile bilakatuz
Denboraldi bikaina egiten ari dira oriotarrak, eta gaur ere erlojupekoan bandera etxera ekarrita gustura geratu dira.
3.500 metroko estropada eremuan lehiatu dute, eta 875 metroko lau luze eta hiru ziaboga egin dituzte. Bertan, eremua bi kaleetan banatu dute eta binakako ontzietan jokatu dute proba.
Proba amaitu ondoren, nagusitu den taldeak bandera astindu du Oria Ibaian, besteak beste. Gainerako sariak Arraunetxeko aretoan banatu dituzte, partaideei mokadua eman bitartean.