Maiatzaren 14an 125 urte beteko dira Orion euskal kostaldeko azken balea harrapatu zenetik, eta urteurren bereziaren bueltan, ia lau astez luzatuko da ospakizuna herrian. Horregatik, herriko kaleek ere jai-giroa islatzea nahi dute Orioko Udalak eta festa antolatzen ari den lantaldeak.
San Nikolas Arrantzale Kofradiaren eta Arrantzale Eguna antolatzen duen lantaldearen ekimenez, sare zatiak banatuko dituzte Herriko Plazan maiatzaren 8an, ostiralarekin, 17:00etatik aurrera. Hala, herritarrek aukera izango dute sare zatiak doan jaso eta etxeko balkoietan jartzeko.