Balearen Egunaren barruko egitarauan hainbat hitzaldi izango da hurrengo egun eta asteetan, horien artean azpimarragarrienetakoa Benito Lertxundik eskainiko duena. Maiatzaren 7an, ostegunarekin, 19:00etan da hitzordua Arraunetxen, eta Ibon Gaztañazpi kazetaria izango du alboan, solasaldia gidatzen.
"Lertxundiren ibilbide artistikoaz, haren obraren arrastoaz eta herriarekin duen loturaz solasean aritzeko aukera emango du saioak", udalak nabarmendu duenez.
Solasaldirako gonbitak bihar, asteazkena, jarriko dituzte eskuragarri 17:00etatik aurrera, Turismo Bulegoan. Herritar bakoitzak doako bi gonbidapen hartu ahalko ditu gehienez.
Horrez gain, herritarrek aukera izango dute han hitza hartzeaz gain, solasaldirako galderak aurrez bidaltzeko, galdetegi honen bidez. Epea maiatzaren 5era arte egongo da zabalik.